🚩عبدالرحمن الشمري✪

#ترند #عبدالرحمن_الشمري #نصيحة_اليوم #نصيحة

#شيوخ_الألفين ياللي تشيّختوا بعد عام الألْفين لا تلْحقون عيالكم بالمسبّات   لو تمْلكون من الدَّارهم ملايين ولو ترْصدون أفْعالكم بالفلاشات   ومنْ حولكم يآتون ناسٍ ملبّين وبأمْوالكم تآكل وتشْرب وتقْتات   ومجْلاسكم بالبشْت صدْر الدّواوين ولا جا نهار الجِد نسْف الجديلات   بالله أبسْألْكم: على وين ناوين؟؟ أفْعالكم كلّه تراهي مراوات   تعوّذوْا بالله بْـ دحْر الشّياطين ولّا تراكم عرْضةٍ للإهانات   نشوف روس القوم بالعز ضارين علْمٍ وكادٍ ما دخل فيه شكّات   الشّيخ يبقى شيخ لو يلْحقه دين لو كان ما عنْده بطاقة ولا اثْبات   وتبْجيلنا للشّيخ من منْطلق دين المصْطفى أوْصى به بالرّسالات   شيوخٍ تضدّ الضّد بذراع وإيدين في ساعة الشّدّات تطْلع بـ هدّات   هدّات حرٍّ لا كفخ بالجناحين من ماكر الأحْرار قبْل الحكومات   من دور (ابن بقّار) سَلْم وقوانين هو ساسنا الأوّل بليّا نزاعات   (هدّامة الطّابور) بالعسر واللين (كريم سبْلا) والفعل حيْ ما مات   ومطْلاع (أخو صلفه) بيوم الأكاوين زيزومنا (ضاري) بوقت الصّعيبات   تآتي ثقيلات الشّدايد على حين يبْرك لها ويزمّها ما تقل جات   وإنْ قلت (ابن حسّان) نعمٍ ونعمين (أخوان وطْفا) علّهم بالمسرّات   ستْرٍ للأسْلم بالجزيرة لهالحين (أهْل المشاعل) بالدّلايل والاثْبات   و (اللغيصم) اللي لا سطوْا حيل ساطين (هامات الأسْلم) هم لنا بالمهمّات   و(أخوان بنّا) درْعنا والنّياشين هي نخْوةَ (الوجْعان) أهل البطولات   وإن قالوا (الكتْفاء) له الصّاع صاعين خمْس الجموع يكفّها بأعْلى الأصْوات  ولا (العيادة) بالمشاور سديدين شيوخ الجحيش مطوّعين العنيدات وفي ذكر (ابن سرّاي) سجِّل براهين هذا (رخيص الرّوح) راع الحمَيّات   و (ابن بدر) من عهْد (عرْفج) عسيرين راسين مثْل طويق ولا السّراوات   وأثْني لـ (ابن قطْنان) شيخ المسمّين (مهنّا) معاه (مغير) نبْع الشّهامات وعبْده السّناعيس الضّياغم سلاطين كبود الزّمل لا حان ضرْب الصّقيلات   وزوبع تبيّن (فعْلهم بالميادين) إليا طنوا من فوق قبّ الأصيلات   ومنْ ماله أوّل ما يشيخون تالين ما لم تكن متْوارثه من أساسات   وإنْ كانت الأفْعال لجْل النّبا الزّين اطْعن وتلْقى عنْد ربْعك شهادات   الطّيّب الوافي على الرّاس والعين والنّادر اللي يفْعل الطّيب بسْكات   ولا يستشك يا حسين كود الرديّين والحقّ يفْرق عن دروب المتاهات   لو ما تبين اليوم بكرا تبي تبين والصّدق يآضح في جميع العبارات   هذا الصّحيح وكلّنا فيه دارين ويشْهد على ما أقول ربّ السّماوات لا راجيٍ شهْره ولا راجيٍ شين كتبْتها منْ باب حفْظ المقامات وانْ كان عارضْني على قولي اثْنين ماني بحال المنْتفخ بالدّعايات أنا ولد كامل سعوط المجانين أحْدٍ أجيه بقاف وأحْدٍ بالآيات    هل تذْكرون شيوخ منْ عام تسعين؟؟ كانت لهم في ذيك الأيّام صوْلات   وأسْمائهم تكْتب بْـ صدْر العناوين وعند المنابر يعْتلون المنصّات   راحوا مهفّ مقيط ورشاه غادين وعيالهم ورْثوا من البشْت حسْرات   أمّا من اسْتشْيخ عقب عام الألْفين الله يعين عيالكم ع المسبّات   #عبدالرحمن_الشمري #عبدالرحمن_الشمري #عبدالرحمن_اللحلوحي #عبدالرحمن_الشخاتي #عبدالرحمن_الاسلمي #أبونورة_الاسلمي #الطنايا_شمر #طنايا_شمر #شمر_الطنايا #شمر_الطنايا_حائل_الاسلم_عبده_سنجاره #اكسبلورررر #رفحا #شعر #قصيد #حايلندا #حايل #حايلنا #حفر_الباطن #حفرالباطن_الان #حفرالباطن tiktokviral #leamontiktok #BookTok #tiktok #tiktoksaion #sportsontiktok #هشتاقاتي_الترند_المشهور #يوم_الجمعه #ويكند #اجازة_سعيدة