Sanae El HamiDy

كلشي ديال الله🫣

احسن طريقة في البيتزا غادي تجربي رووعة مقادير البوليش(الخليط الاول) 100 غ دقيق مايعادل كأس 100 غ ماء بارد مايعادل كاس الا ربع راس ملعقة خميرة بعد ميخمر نضيفو: 200 غ دقيق ابيض مايعادل كاسين 120 غ ماء بارد اكثر شويية من كاس الا ربع ربع ملعقة ص خميرة ملعقتين زيت زيتون ملعقة غير مملوءة ص ملح كنحضروه مثلا في الليل ونخليوه في مكان بارد الا كان الصيف في الثلاجة والصباح نستعملوه. يمكن ليكم طيبو البيتزا في نفس النهار فاش تعجنوها ولكن النتيجة ديال انها تخمر 24 ساعة احسن بكثييير. من اهم الأشياء في البيتزا هو الطياب في الأساس فرن البيتزا الخاص كيوصل درجة حرارة مرتفعة بزاف عن فرن الدار حنا غادي نشعلو ليه على أعلى درجة تقريبا ربع ساعة حتى نصف ساعة خصو يسخن مزيااان مع ديك مقلة المسمن لأنني بغيت غير نطرح البيتزا تبدا طيب في الحين وتجيني محمرة من التحت بدون ماتقساح. عموما انا كدير لي في الفرن عشرة دقايق وكيبقى حسب فرن كل واحد.

اروع بطبوط غادي تجربي المقادير 300 غ دقيق ابيض مايعادل 3 كؤوس 100 غ فينو مايعادل كاس معامرش كاس حليب مايعادل 150 مل ملعقة ص مملوءة خميرة ملعقة ص ملح ملعقة ك عسل أو سكر ماء دافئ للعجن

حلوة لسان العصفور لذييذة بطريقة سهلة بزاف مساء الخيرات❤️ المقادير 500 غ دقيق ابيض خاص بالحلويات ربع كأس ماء زهر نص كاس خليط زيت و زبدة ملعقة ص خميرة حلويات قطرات خل وملح ملعقة ك سكر ماء دافي للعجن عحينة تكون بحال ديال المسمن ماشي قاسحة ولكن مكتلصقش نهائيا. زيت ونشا للتوريق. ملاحظاات :القطع كديروهم حسب مقلة ديالكم مثلا انا مقلة عندي كبيرة درت ثلاثة عشر قطعة كل ثلاث مع بعض وشاطت لي وحدة طلقتها بوحدها عندك مقلة اصغر غادي تصغري الدوائر باش تقدري طلقيهم مزيان وميجيوش غلاض. ندهن مزيان بالزيت ونرش النشا حيت غادي يديرو لنا طبقة تفرق لينا الورقات بحال شكل التريد وماطلقوهمش كتر من اللازم باش ميلصقوش في بعض غير نصهدو العجينة على نار متوسطة نتأكد انني نطيب حتى دوك الجوانب لان المقلة كتكون فيها النار غير الوسط نبقى ندور ومنخليهاش تنشف باش متهرسش ليا فاش نلويها. كما قلت ضروووري نلوي ونرخف بحيت مخصش الوريدات يكونو مزيرين وإلا مغادي يوصل الزيت الداخل وغادي تجيكم معجنة الزيت فينما نشوفها سخنات بزاف وليت نحط الحلوة تحمر دغيا نطفي البوطة باش متحمرش دغيا وتبقى خضرا الداخل. انتهى 🚶🏿‍♀️

كلشي ديال الله🫣

خبز المخابز الكبرى تتشريه بثمن غااالي جبتو لك بأرخص مقادير جربيه حاالا المقادير 400 غ دقيق ابيض مايعادل 4 كؤوس 300 غ ماس مايعادل كأسين تقريبا ملعقة زيت ملعقة سكر ملعقة ص ملح ملعقة ص غير مملوءة خميرة. شرح سريع للطريقة:كنخلطو العجيت ونخليوه عشرين دقيقة نرجعو نجبدو الأطراف للوسط ونخليوه عشرين دقيقة نعاود العملية مرة ثانية ونخليه عشرين دقيق ندير عدلية المد والطوي ونخليه عشرين دقيق ندير عملية المد والطوي وندخلها تخمر في الثلاجة اقل حاجة 8 ساعات انا خليتها 18 ساعة. يمكن لكم تفاداو مرحلة الثلاجة غير هو الاختمار البطيئ هو شبب دوك الفقاعات داخل الخبز. وكيكون اسهل للهضم. شبكة التخمير ماشي ضروري اي شبكة خبز عادية ولا بلاستيكية أو حتى مول كيك صغير تقدرو تستعملوه بهاكا الخبزة كتجي مجموعة محافضة على شكلها مكيجيش سايحة. العجينة فيها ترطيب عالي شوية داكشي علاش كتلصق ولكن النتيجة خفة كبيرة في الخبز بالنسبة للطياب انا معنديش ديك الطنجرة الكبيرة (dutch oven ) ف كنسخن الفرن على اعلى درجة مدة نصف ساعة والمقلة المسمن الداخل (مقلة المسمن حيت كتشد الصهد) وكنرمي فوق منها الخبزة. عندكم جوج طرق في الطياب أول وحدة نسخن مقلة اخرى التحت ونخوي فيها شوية الما باش نخلق البخار الداخل ونسد دغيا ونخليها طيب واحد ربع ساعة ونحيد داك الما ونخليها تكمل الطياب على 220. الطريقة الثانية نحط الخبزة ونغطي عليها بأي طنجرة عندي ميكونش يديها مغلفين بالبلاستيك حتى دوز عشرين دقيقة ونحيدها ونخليها تكمل الطياب على 220. جربت الطرق بجوج والنتيجة كانت ناجحة فاختارو لي يناسبكم.

بيتزا المطاعم الايطالية 😍

بيتزا الفريدو خطييرة بطريقة التخمير الايطالية المقادير لبيتزا وحدة تقدرو ضاعفوهم ولا ضربوهم في 3 الا بغيتو 3 بيتزات المقادير 250 غ دقيق او كاسين ونصف ملعقتين زيت زيتون نصف ملعقة ص خميرة نصف ملعقة ص ملح 180 غ ماء بارد مقادير الصلصة ملعقة زبدة ملعقة دقيق كاس خليط حليب وكريما طهي جبن مبشور اعشاب منسمة ملح وابزار موزاريلا دجاج مشحر بصل احمر ملاحظاات : العجينة كنخليها ساعة في حرارة المطبخ قبل مندخلها للثلاجة الا كان الجو سخون مباشرة دخل الثلاجة 48 ساعة بمعنى تعجنيها اليوم وطيبيها بعد غدا🤭ممكن تخليها غير 24 ساعة. العجينة خصها تكون خفيفة وكتلصصق هادشي من اسرار نجاحها متزيديش الدقيق وخلي المقادير كما هوما ممكن تكرصوها بالفينو عوض الدقيق الا بغيتو ديك القرمشة من على برا لي كيتشكاو من انها مكطيبش من التحت سخنو مقلة المسمن مزيااان حطو فيها البيتزا ودخلوها للفرن لي ضروري تاهو يكون سخوون باش دغيا طيب ومتقساحش لكم والفروماج ميتحرقش

شباكية بنص كيلو فقط دقيق رووعة المقادير 500 غ دقيق ابيض مايعادل 5 كؤوس كأس الا ربع مخلط بين زبدة وزيت مايعادل 100 غ كأس مخلط بين جنجلان محمر شوية ولوز خضر مطحونين ومغربلين تقريبا 100 غ(بجوجهم) ملعقة ص خميرة حلويات ملعقة ك قرفة ملعقة ك نافع جوج حجيرات مسكة حرة مدقوقة مع شوية سكر 4 ملاعق ك خل ربع ملعقة ص ملح نص كاس ماء زهر تقريبا 75 غ مكعب زعفران مذوب في كاس الا ربع ماء ساخن العجينة هزات لي 100 مل تقريبا ملاحظاات : الزبدة باش خدمت حيوانية كندوبها ونصفيها من داك الحليب مكنعمروش الكاس كامل باش متبقاش كتهرس وتفرتت في القليان من المهم جدا ان العجين يكون قاااسح اولا الشباكية كتجي هشيشة ثانيا كتشد ليا شكل زوين وواقف المسكة الحرة كتقسح الشباكية جوج حجيرات كافيين! عسل الشباكية كيكون ثقييل الا بغيتوه يلصق عليها ونتسعملوه بارد بلا منسخنوه فينما نقلي كملية ونحطها في العسل نطفي النار قبل منضيف الكمية الثانية لان الزيت كيوصل لحرارة مرتفعة وغادي غير نرمي الشباكية غادي تحمر بلا مطيب مزيان داخل بالنسبة للتخزين كناخد سوبيرة نفرش طبقة شباكية نرشها بجنلان ونفرش طبقة ورق الومنيوم ولا طبخ ونكمل بنفس الطريقة بهاكا الشباكية لي كتكون الفوق متهبطش ليها العسل التحت وتنشف.

بطبوط معمر #FYP

مسمن دميعة انا درت غير نص المقادير 300 غ دقيق ابيض مايعادل 3 كؤوس ربع كأس زيت قطرات خل رشة خميرة حلويات ملعقة ص غير مملوءة ملح ملعقة ص سكر ماء دافئ تقريبا 150 مل القليل من النشا و زبدة للتوريق في الحشو خلطت كفتة دجاج مع ديال البگري كتجي بنييينة التوابل ملح ابزار تخميرة خرقوم اعشاب منسمة حار صلصلة طماطم صلصلة صوجا وفاش نطفي نزيد القليل من شعرية الارز و فرماج محكوك حتى تبرد. الملاحظات : في عملية التوريق كما كتشوفو كنرش كمية قليلة بزاف نشا عنداكم تكثرءطو وإلا غادي تبقاو تحسو بيه في الأكل انا درت زبدة حيوانية تقدرو تستعملو المركارين غير من البرد غادي تقساح لكم بزاف من الأحسن زبدة الاكل عموما مكنحتاجوش بزاف غير شوية. فاش نعمروهم ونبدا نسدو لاحضو انني مكنجمعش بزاف العجينة غير القياس لي غادي نسد بيه فقط العجينة مكتخمرش لذلك غير نسد فقط باش متجينيش معجنة تحت. بزاف كيتشكاو من المسمن القاسح وهادا راجع لطياب مدة طويلة في فران حرارتو ماكافياش اذن زيدو النار الا حتاجيتو انا طيبتهم على ميتين تقريبا 35 دقيقة

حلوى كلاصي ولا في المخبزااات😍 مقادير طبقة الفينونسيي 65 غ زبدة 50 غ سكر ناعم 7غ كاكاو مر 20 غ دقيق 50 غ بياض البيض 30 غ بودرة اللوز رشة ملح راس ملعقة ص خميرة حلويات مقادير موس القهوة 200 غ حليب ملعقة ك مملوءة جيدا قهوة صفار بيضتين 100 غ سكر 50 غ شكلاطة بالحليب 350 غ كريما سائلة ورقتين جيلاتين مقادير الطبقة المقرمشة مقادير الطبقة المقرمشة 50غ شكلاط ملعقة زيت نباتي 50غ براليني لوز 50 غ فويتين حبات من اللوز المحمص اختياري ملاحظات البسكوي فينونسيي كيطيب على. 180 سبعة دقايق فقط باش مانيشفش الزبدة نوازيت ساهل حالها كيطيبو زبدة حتى تيولي لونها مذهب وتخليوها تبرد وتستعملوها. تقدرو ديرو جينواز ولكن هادا كيجي معلك وبنييين كثر وميحتاجش تسقيوه.فاش يطيب نغسلء الإطار ونقلبو البيسكوي للفوق عاد نبدا المونتاج طريقة البراليني غادي تلقاوها في الستوري المثبت ولا خودوه واجد الا بغيتو تسهلو القضية الكريما لي درنا سميتها الكريما الانجليزية هي عبارة عن حليب وصفر بيض وسكر كتكون اساس في بزاف لي موس. هي ساهلة ولكن الفكرة انكم مطيبوهاش حتى تغلى باش البيض ميتقطعش. الا كان ميزان حرارة غادي تعبرو حتال 82 درجة مكانش غادي ديرو بحال لي شفتو في الفيديو كدوزو صبعكم فوق ملعقة مغطية بالكريم الا ماتلاقاوش الخطين صافي راها واجدة. هاد الكريمة ضروري نخليوها تبرد عاد نزيدو الكريم لي طلعناها وضروري تكون خفيفة ماشي بحال شونتيي .انا درت كريما مسوسة الا درت الحلوة نقصو خمسين غرام سكر. الكلاصاج خليوه يبرد تاهو بحيث تقيسوه بالصبع تحسو بيه بحال حرارة الجسم ميكون لا بارد بزاف لا سخون. وهادشي لي كاين لي عندها سؤال تخليه وغادي نجاوبها ان شاء الله ❤️ انتهى 🚶🏿‍♀️

انجح جنواز للمبتدئاات المقادير 3 بيضات كبيرة خمسة ملاعق سكر او 80 غ رشة ملح وفانيلا 3 ملاعق زيت نباتي ملعقة ص خميرة حلويات كأس دقيق او 100 غ +ملعقة نشا

المقادير: 500 غ دقيق (ما يعادل حوالي 5 كؤوس) ربع كاس زيت تقريبا 30 غ ملعقة كبيرة سكر أو عسل ملعقة صغيرة ملح ملعقة ك خل رشة خميرة الحلويات ماء دافئ للعجن (تقريبًا 360 مل، حسب نوع الدقيق) للحشو خضر مشكلة مقطعة رقيقة جدا كفتة ملح فلفل اسود فلفل حار زعتر كركم تحميرة جبن ابيض فاش تبرد نزيدو شوية فرماج محكوك مسمن في الفران

كريصات بحال القطن المقادير 400 غ دقيق مايعادل 4 كؤوس 80 غ زبدة مذوبة مايعادل 2 ملاعق ك(قبل الذوبان) 60 غ سكر مايعادل 3 ملاعق ك ملعقة ك خميرة الخبز الفورية او 2 خميرة طرية ملعقة ص غير مملوءة لح 300 مل حليب دافئ مايعادل كأسين شاي بيض مع حليب للدهن سمسم للتزيين هاديك لعيبة ديال الرشاش راه كتباع عند مالين خمسة دراهم كنديرها مع الكرص وحتى الكرواصون مهم فدالا استعملتوها مسحو جناب اللاطة قبل طياب باش ميتحرقش ليكم البيض عليها.

بدون تعليق😀

المقادير 600 غ دقيق ابيض مايعادل 6 كؤوس 100 غ سكر مايعادل كأس الا ربع 75 غ زيت مايعادل نصف كأس 300 غ حليب مايعادل كأسين 75 غ ماء زهر مايعادل نصف كأس بيضة كبيرة ربع ملعقة ص ملح ملعقة ك خميرة الخبز ملعقة ك عسل ملعقة ك نافع وحبة حلاوة نص كاس جنجلان محمرقراشل بلديين بحالا جبتيهم من المخبزة رووعة

شوصون بالفروماج رووعة المقادير 400 غ دقيق ابيض مايعادل 4 كؤوس ملعقة ك عسل أو سكر ملعقة ص ملح ربع كاس زيت تقريبا 40 غ 200 مل ماء بارد 200 غ زبدة توريق بااااردة للحشو 5 قطع جبن مربع 5 قطع جبن مثلث موزاريلا محكوكة فرماج ايدام محكوك ممكن اضافة الزعتر انا خليتهم هاكاك طبيعيين

شوصون بأحسن عجين غادي تجربي😍 المقادير 400 غ دقيق ابيض مايعادل 4 كؤوس ملعقة ك عسل ملعقة ص ملح خميرة حلويات وزن 8 غ 150 غ حليب تقريبا كاس 100 غ خليط زبدة وزيت تقريبا كاس الا ربع ربع ملعقة خميرة خبز اختيارية الا بغيتوهم مقرمشين اكثر.

خبز المخابز الكبرى المشكل المقادير 350 غ دقيق القمح تقريبا كأسين و كأس الا ربع 350 غ دقيق ابيض مايعادل 3.5 كؤوس ملعقة ك عسل ملعقة ص مملوءة ملح ملعقة ك غير مملوءة خميرة الخبز 50 غ زيت زيتون مايعادل ثلث كأس ممكن تعويضها بملعقتين زبدة 450 حتى 500 مل ماء دافي منضيفوهاش في دقة حتى نلاحضو امتصاص الدقيق العجينة كتلصق شوية ولكن ماااشي جارية نهائيا لي مبغاش يستعمل الدقيق الأبيض ديرو فارينة البلدية مغربلة